ОТ ЎҒРИСИ УЗОҚҚА КЕТОЛМАДИ
   Мирсаид  холаси Шарофатнинг уйида жияни Сарвар билан маҳалладошларининг уйларини таъмирлаб юрарди. Жиноят содир бўлган  кечаси холаси неварали бўлганини Сарвар билан ювишди.
Жияни билан ярим шиша ароқни ичиб бўшатгач, соат 22.00 ларда кўчага айланганичиқди ва  кайф суриб ўтирганида ўзидан нарида турган отга кўзи тушади. Мирсаид бировнинг отини маст ҳолда миниб нотаниш маҳаллада айланиб юради. Отда юришга қийналгани учун (эгари йўқ-да) холасининг уйига бориб отнинг устига кўрпача олиш учун эшикни тақиллатганида ичкаридан жияни Сарвар чиқади.
– Қаерда, юрибсан, бу кимнинг оти, қаердан олдин? – сўради у.
– Отми... бу от яйловда юрган экан, шу сабабли миниб юрибман, отнинг устига кўрпача бериб юбор, – деди ширакайф Мирсаид.
Кўрпачани узатаётиб Сарвар қаттиқ тайинлади:
– Отни жойига обориб қўй, эртага ишга боришимиз керак. Эрталабдан Қўрғон  ёнида жойлашган бир хонадонда ишлаймиз. Тушундингми, иш қуролларингни олиб айтган жойга барвақт боргин.
Мирсаид отни маҳаллада миниб юрганида кўчада турган нотаниш кишилар уни чақиришади. У ҳеч кимни танимаганлиги учун индамай ўтиб кетаверади. Шу ерда турганлардан бири отни таниб қолади ва дарҳол унинг эгасига қўнғироқ қилади. Отнинг эгаси А.Пўлатов оти йўқолганлигини айтгач, маҳалладошларидан 3 нафари Мирсаидни машинада қувлаб етиб олишади. Унинг йўлини тўсишиб, ўғрини отдан туширадилар. Бироқ, Мирсаид маст бўлганлиги сабабли йиқилиб тушади. Уни 3 киши судраб олиб кетаётганида уларга қаршилик кўрсатиб қочиб кетади. Тунда соат тахминан 2.30 ларда бир  такси тўхтатиб,  уйига жўнайди.
  5 июль куни жияни Сарвар: “Қаерда юрибсан, иш олганман, келасанми?” деб уни ишга чақиради. Эртасига 6 июль куни соат 17.00лар чамаси Сарварнинг уйида чой ичиш мақсадида ертўлага тушиб кетганида юқорида жанжал овозини эшитади, қўрққанидан чиқмай писиб ўтиради. Фуқаролик кийимида ИИБ ходимлари А.Қорабоев ва И.Мирзаев ертўлага тушиб, от ўғрисини қўлга оладилар.
Хўш, Мирсаиднинг ўзи ким? У Шимкент шаҳрида туғилган, 27 ёшли ҳали уйланмаган йигит Мирсаид Ҳакимов, судланган..Жазони тўлиқ ўтаб чиққан.Мана, яна бир бор темир тўрга тушиб, етти йил жазони ўтайдиган бўлди.
                                 М.МИРСАИДОВ.