Кимни севсам бўларкан?
Хоннинг қизи Хонзода,
Бойнинг қизи Озода,
Димоғлари фазода,
Кимни севсам бўларкан? 
Заргар қизи Зарифа,
Шогирди-да Шарифа,
Бунча гўзал Ҳанифа,
Кимни севсам бўларкан?
Ягона, у — ягона,
Дурдонага дугона,
Бўлиб Мажнун девона,
Кимни севсам бўларкан?
Сочи толим Моҳира,
Жуда золим Нодира,
Билмас ҳолим Собира,
Кимни севсам бўларкан?
Гулсорами, Гулнора,
Диёрами, Дилдора,
Ҳаётимда илк бора,
Кимни севсам бўларкан?
Ойдиной юзлари ой,
Ҳусния ҳуснга бой,
Гулбаҳорми, Гулчирой,
Кимни севсам бўларкан?
Гул тутдим Гулхуморга,
Дил тутдим Дилхуморга,
Айтманглар Зулхуморга,
Кимни севсам бўларкан?
Кимга боғлайин ришта?
Эҳ, севиш ҳам бир иш-да!
Дўстларим, бир кўришда
Кимни севсам бўларкан?
Бағрим бўлди-да қонлар,
Атрофимда жононлар,
Йўл кўрсатинг, ёронлар,
Кимни севсам бўларкан?
Абдуқодир Саттаров.