//carhpalak.ucoz.org/111_Yulduz.mp3

 
Меню сайта

Категории раздела
Турфа тақдирлар [483]
Барчанинг бахти ўзгача,лекин барчанинг бахтсизлиги бир хил

Статистика

Онлайн всего: 3
Гостей: 3
Пользователей: 0

Главная » Статьи » Турфа тақдирлар

Дориламон кунлар қадри
Сана 16 Май 2015
 
Печать

Ҳар тонг кўз очиб, мусаффо осмонни кўрамиз.Қушларнинг чуғур-чуғури остида уйғонамиз. Қуёш ястаниб, заррин нурларини заминга илинади. Қўй-қўзиларнинг маърашию хўрознинг қичқириғиқулоқларимизга сингиб кетган. Машиналарнинг шовқинидан баъзан оғринамиз. Аммо Очил ота учун буларнинг барчаси ёқимли, ҳар бириқимматли.

 

Қуёш заминдан бош кўтармай уйғонадиган ота мусаффо осмонга узоқ тикилади, қушларнинг сайрашини мароқ билан тинглайди. Бу кунларга етишиш қанчадан-қанча инсонларга армон бўлганини ота яхши билади. Гарчи уруш даҳшатлари ортда қолган бўлсада, у ҳамон ўқ овозларидан чўчиб уйғонади. Бироқ тинч ва осуда кунларга етказганига Яратганга шукрона айтиб, юртимиз осойишталиги, мустақиллигимиз абадийлигини сўраб дуога қўл очади.

— Уруш олови ёнган мусибатли кунларни эслашнинг ўзи оғир, — дейди Очил бобо Тошев суронли йилларни эслаб. — Ўқ ёмғирлари остида жон ҳам кўзга кўринмай фақат олға интилиш, душманни ер билан яксон қилиш аҳди билан ёвузликка қарши бирдамликда курашдик. Бир неча марта ярадор бўлдим. Бироқ яна жангга отландим. Аллоҳнинг марҳаматидан, тинчликнинг саховатидан айланай, шундай дориламон кунларга эришиб, турмуш ўртоғим билан 6 нафар фарзандни оқ ювиб, оқ тараб вояга етказдик. Бир уй невара чевараларнинг камолини тилаб, биз кўрган кунларни нуридийдаларимиз кўрмасин дейман.

Дарҳақиқат, Очил ота Тошевнинг куч-қувватга тўла ёшлиги жанг майдонида ўтди. 1939 йилда ҳарбий хизматга отланган ёшгина йигит тўғри жанг майдонига йўл олди. Йигирма икки ёшида қонли жанг майдонига кирди. 1946 йилнинг охирида юртига қайтди.

Ота ўша оловли кунлар ҳақида кўп гапиришни истамайди. Хотираларни ёдга олганида қалбини армонли, оғриқли ўйлар кемиради. Қанчадан-қанча қуролдошлари уруш олови ичида қолиб кетишди. Кўз олдида қадрдонлари жон таслим қилаётганида ёш аскар қўлидан ҳеч нарса келмаётганидан азобланди. Неча бор ўлиб, неча бор тирилди. Умри хазон бўлган дўстлари учун қон кечди, билагида сўнгги кучи қолгунича курашди.

Ёруғ юз ва ғолиблик нашидаси билан жанггоҳдан омон қайтган жангчи энди армон билан кетган минглаб қуролдошлари орзу-истакларини амалга ошириш, юрт истиқболи учун хизмат қилишга бел боғлади. Турли соҳаларда меҳнат қилди. Қаерда, қайси ташкилотда ишламасин, чинакамига фидойилик кўрсатди. Мустақиллик кунларини барча ватандошлари қатори қувониб қарши олди. Эндигина оёққа тураётган ёш, мустақил давлат ривожига муносиб ҳисса қўшди.

О.Тошев қарийб ўттиз йил Қашқадарё вилоятининг бир неча туманларида хўжалик раҳбари бўлиб ишлади. Юрагида бағрикенглик, меҳрибонлик ва жонкуярлик ҳисси жўш урган бу фидойи инсон аҳоли фаровонлигини, турмушини яхшилаш йўлида самарали ишларни амалга оширди. Камтарлиги, жонкуярлиги билан элда обрў-эътибор қозонди.

Бугунги шукуҳли, файзиёб кунларда юртимизда олиб борилаётган бунёдкорликлар, яратувчанлик ишларини кузатар экан, ота ҳар гапининг бирида: «Бунақа замон бўлмаган, худди тушга ўхшайди. Эҳ-ҳе, ҳар бир хонадонда биттадан машина. Ҳамма жойда мўл-кўлчилик, тўкин-сочинлик, арзончилик. Бозорларимизнинг сероблигини айтмайсизми?! Айниқса, биз фахрийларга кўрсатилаётган иззат-икром, ҳурмат-эҳтиромнинг чеки йўқ. Қай бирини айтай, санаторийларга бепул йўлланманими, дори-дармонларнинг те-кинлигиними?! Энг аълоси тинчлик, деб аталмиш буюк неъматдан баҳраманд бўлиб яшаётганимиз чинакам бахтимиздир, дея қўлини дуога очади.

Очил Тошевнинг Ватанимиз олдидаги юксак хизмати ва меҳнати муносиб баҳоланиб, Президентимизнинг фармонига кўра, «Жасорат» медали билан тақдирланди. Айни пайтда Қар-ши шаҳридаги «Парғуза» маҳалласининг фахру ифтихорига айланган, 97 баҳорни қаршилаган нуроний фарзандлар, невара чеваралар қуршовида, маҳалла-кўй эътиборида умргузаронлик қилаётир. Отанинг садоқат, жасорат ва фидойиликдан берган сабоқлари, насиҳатлари, босиб ўт-ган машаққатли ҳаёт йўли нафақат фарзандларию набираларига, балки бутун парғузаликларга ибрат бўлаётир.

Санобар БОЙМУРОДОВА
«Mahalla»

Категория: Турфа тақдирлар | Добавил: albine (16.08.2015)
Просмотров: 782 | Рейтинг: 0.0/0
Всего комментариев: 0
Имя *:
Email *:
Код *:
Форма входа

Поиск

Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2025Конструктор сайтовuCoz