Туркиянинг Измир шаҳри яқинидаги қишлоқда ғаройиб жонзот дунёга келди. 

Ветеринарлар маҳаллий фермернинг қўйи одам қиёфасидаги қўзичоқни дунёга келтирганини кўриб ҳайратга тушишди.  Янги туғилган ҳайвонда қайқайган бурун, лаб ва ияк бўлган, деб ёзади Mirror нашри. 

Тармоқда тақдим этилган видеода қўзичоқ одам юзига эгалиги кўриниб турибди. Маълум бўлишича, қўйнинг бу қўзичоққа бўлган ҳомиладорлиги қийин кечган ва ветеринарлар туғруқни кесерча кесиш йўли билан амалга оширишган. Шифокорлар нима учун қўзичоқ одам қиёфасида эканлигини айтиб бера олишмади. Таҳминларга кўра, қўзичоқнинг онасига меъёридан кўп миқдорда А витамини берилган. Нашрнинг қайд этишича, қўзичоқ ўлик ҳолатда туғилган.

Ҳиндистонда илон маст фуқарони бутунлигича ютиб юборди 
Ҳиндистонга борсангиз, қаерда ухлаётганингизга эътибор беринг. Мамлакат жануби-ғарбидаги
Керала штати фуқароларидан бири маст ҳолатда спиртли ичимликлар дўкони ёнида ухлаб қолган пайтида улкан илон судралиб келиб, уни бўғиб ўлдирган ва бутунлигича ютиб юборган, дея хабар беради “Triple M”.
Қўрқинчли фотосуратда кўриб турганингиздай, илон ухлаётган одамни тириклигича ютган.
Бироқ баъзи журналистлар фотосуратнинг ҳақиқий эканлигига шубҳа билдирмоқда. Уларнинг сўзларига кўра, бу фотосурат бир йилдан бери Интернетда “юрибди”. У охирги бор муҳокама қилинганида, муаллиф сифатида африкалик сураткаш Линда Ниаторо кўрсатилган эди. Ниаторонинг сўзларига қараганда, ушбу кадр ЖАРдаги Дурбан Норт шаҳри яқинида олинган. Бунда илон кимни ёки нимани ютганига аниқлик киритилмаган. 
Ҳар қандай ҳолатда ҳам ушбу илон сурати экзотик мамлакатларга саёҳатга отланганлар учун яхшигина огоҳлантириш бўлиши шубҳасиз.

Қозоғистонлик эркакларнинг учдан бир қисми бепуштлик касалидан азият чекади

Қозоғистонлик эркакларнинг учдан бир қисми бепуштлик касалидан азият чекади
Қозоғистонда 30 фоиздан ортиқ эркаклар бепуштликнинг ҳар хил турларидан азият чекишмоқда. Бу ҳақда BNews.kz хабар беради. 

Текширувдан ўтган 20 минг эркакнинг 56 фоизида “эректил дисфункция” касаллиги аниқланган. Шунингдек, текширилган эркакларнинг 30% бугунги кунда турли хилдаги бепуштлик касали билан азият чекади. 15% текширилганларда артериал гипертония, 72% қандли диабет хасталиги аниқланган.

Бундан ташқари шифокорлар томонидан текширилган 458 боладан 90,3% патология аниқланган бўлиб, уларда туғма ва орттирилган шамолаш мавжуд.

Қуш билан тўқнашиб кетган самолёт аэропортга қайтиб келди

Қуш билан туқнашиб кетган самолёт аэропортга қайтиб келди
АҚШнинг USA Airways авиакомпанияси самолёти Ла Гуардия аэропортида фавқулодда қўнди.  

Fox News телеканалининг хабар қилишича, Вашингтон томон учаётган самолёт қуш билан тўқнашиб кетганлиги сабабли аэропортга қайтиб келган.

Воқеа жумадан шанбага ўтар кечаси, бортида 96 йўловчи ҳамда 5 нафар экипаж аъзолари бўлган Airbus A319 лайнери билан содир бўлди.  Телеканал қайд этишича, парвозга кўтарилган самолёт қуш билан тўқнашиб кетган, учувчи  эса ортга қайтишга қарор қилган. 

Воқеадан сўнг, барча йўловчилар бошқа рейслар орқали Вашингтонга йўналтирилди. Жароҳатланганлар ҳақида хабар берилмаган.

АҚШ фуқаролар авиацияси федерал бошқармаси ушбу воқеа юзасидан тергов ишларини олиб бормоқда.

Чоршанба куни айнан шу аэропортдан учган United Airlines самолёти қўш билан тўқнашиб кетган эди. 

АҚШда маҳбус муддатидан 90 йил аввал қамоқдан чиқди

АҚШда маҳбус муддатидан 90 йил аввал қамоқдан чиқди
Колорадо штатида истиқомад қилувчи Рене Лима-Марин жазо муддати тугашига 90 йил қолганида озодликка чиқди. 

У ўғрилик қилгани учун 98 йилга қамоқ жазосига ҳукм қилинган эди. Аммо суд ҳужжатларини расмийлаштирувчи суд ходимининг хатоси туйфали у атиги 8 йилдан сўнг озодликка чиқди.  Бу ҳақда ИТАР-ТАСС ахборот агентлиги хабар бермоқда.

2000 йилда Лима-Марин ҳамтовоғи билан видеопрокат дўконларига қуролли ҳужум қилган. Қўлга тушганидан сўнг у 98 йил қамоқ жазосига ҳукм қилинган. Аммо, суд ҳукмини расмийлаштираётган суд ходими 2008 йилни жиноятчининг озодликка чиқиш санаси дея кўрсатган. Ҳужжатга кўра, Лима-Марин 2008 йил озодликка чиқди, ишга жойлашди, ўзининг севгилиси билан оила қурди ва ота бўлди. Аммо, суд ходимининг хатоси 6 йилдан сўнг ошкор бўлди ва 2014 йилнинг январ ойида Лима-Марин қамоққа қайтарилди.  

Қизиғи, у билан дўконга ҳужум қилган жиноятчи ҳам 2008 йилда озодликка чиқиши мумкин эди. Аммо, унинг судга берган апелляцияси кўриб чиқилаётган пайт, суд ходимининг хатоси аниқланган.

АҚШ ОАВларининг хабарига кўра, бундай ҳолатлар АҚШда кўп учраб туради. 2013 йил Колорадо штатида маҳбус муддатидан 4 йил аввал озодликка чиққан. Ушбу ҳафтада эса Лос-Анжелесда ўтган йили хато туфайли озодликка чиқарилган қотил қўлга олинди.

Хитойликлар отанинг қизига қилган муносабатидан ҳайратга тушишди
Синчуан шаҳрида истиқомат қилувчи отанинг қизига қилган муносабати хитойликларнинг катта муҳокамасига сабаб бўлди.
    Ота қизига нисбатан қўпол муносабатда бўлган. The Daily Mail нашрининг хабарига кўра, ушбу воқеа гувоҳларидан бири вазиятни суратга олиб, Хитойда машҳур бўлган ижтимоий тармоқлардан бирига жойлаган.
  Кейинчалик маълум бўлишича, қиз совуқ ҳавода қишки кийими ёқмагани учун уни кийишдан бош тортган, ота эса уни узоқ вақт  кўндиришга ҳаракат қилган. Бироқ қайсар қизалоқ отасининг гапига қулоқ солмагач, отанинг сабри тўлган ҳамда қизининг устидаги барча кийимларини ечиб, йўлка бўйлаб олиб кетган. 
Ота-боланинг қўни-қўшнилари отанинг фарзандига ҳеч қачон қўл кўтармагани ҳамда қизининг оғзидан чиққан нарсаларни муҳайё қилавериб, жуда ҳам эркалатиб юборганини айтишди. 
Бўлган воқеа ҳақида полиция ходимларига хабар берилган.

Япония кутилмаганда янги оролга эга бўлди
Япония ўз ҳудудини кенгайтириш ниятида. Бунга ғаройиб табиий ҳодиса сабабчи –Тинч океанда Япония соҳилларига яқин ҳудудда сув остидан янги орол пайдо бўлган.   Япониянинг янги ҳудуди 200 метр квадратни, баландлиги эса денгиз сатҳидан қарийб 20 метрни ташкил этади. Орол Токиодан тахминан минг километр жанубда Огасавара ороллари ҳудудидаги сув ости вулқонининг отилиши пайтида пайдо бўлган. Вулқон ҳозир ҳам отилишда давом этмоқда. Ҳавога 600 метр баландликка кул ва қалин буғ кўтарилаётганини ва портлашлар эшитилаётганини кўриш мумкин. Олимларнинг сўзларига кўра, оролга ном беришга ҳали эрта, чунки кўп ҳолларда бундай ороллар қандай пайдо бўлган бўлса, шундай тўсатдан сувга ғарқ бўлиши мумкин. Бу орада эса мамлакат ҳукумати, агар орол шаклланадиган бўлса, Япония ўз ҳудудини кенгайтиришини билдирган. 

Қуёшнинг магнит майдони “ағдарилади”
Уч ҳафтадан кейинҚуёшнинг магнит майдони “ағдарилади”, унинг қутблари ўзаро жой алмашади.

Буҳақда НАСА агентлиги хабар беради. 
  Қутблар алмашган пайтда Қуёшда портлашлар сони ошади, бунинг натижасида
Ерга магнит бўронлари келади. Улар сунъий йўлдошлар ва электрон ускуналарда носозликларни келтириб чиқариши мумкин. Ҳозирча олимлар қутбларнинг нега ўзгаришини тушунтириб бера олмаяпти, шу боис бундай ҳодисаларни аниқ прогнозлашнинг имкони йўқ.  
Қутбларнинг ўзаро ўрин алмашишига Қуёш ичида ишлайдиган “динамо-машина” сабабчи деган гипотеза мавжуд. Қуёшда тахминан 700 минг километр чуқурликда плазма бўлиб, ўша ернинг ўзида магнит қутблари пайдо бўлади. Қуёш ўз ўқи атрофида айланади. Бунда қутблар ўзгараётган даврда модда қутбларга қараганда экваторда тезроқ ҳаракатланади. Ана шундай ҳаракат ҳисобига магнит чизиқлари айлана бошлайди, айланиш ўрамлари сони ортганида эса, у экваторга параллел равишда юзага чиқади. Шу тарзда, бир томондан жанубий қутб, иккинчи томондан эса шимолий қутб шаклланади.