Ойлар, йиллар ўтди, ғавғолар ўтди,
Орамизда турган тўсиқдан, ғовдан.
Бошимиздан оғир савдолар ўтди,
Енгилдик, ўтолмай енгил синовдан.

Банди бўлдик ўздан чиққан балога,
Хаёл элтиб кетди хатолар сари.
Кибр-у ғуруримиз тушди арога,
Иймондан айирган гумон сингари.

Соғинчим тентираб кезар телбадек,
Кўздан йироқ кўнгил салтанатида.
Ғарибдирмиз ҳижрон диёрида, лек,
Муқимдирмиз вафо мамлакатида...