Путиннинг сўзлари туфайли “Яндекс” 1 млрд доллар зарар кўрди

Россиянинг йирик қидирув тизимларидан бўлган “Яндекс” акциялари нархи жума куни тезлик билан туша бошлади, деб хабар беради news.nur.kz нашри. Соат 21:00 да NASDAQ Нью-Йорк биржасида компаниянинг котировкаси (нархи) 10,44 %га тушиб кетган, акциялар нархи эса, 23,9 АҚШ долларигача қисқарган. Бу акцияларнинг дастлабки қўйилган нархидан ҳам пастроқдир.

Петербургда бўлиб ўтган медиафорумда президент Путин “Яндекс” ўз Фаолиятининг дастлабки босқичида ғарб таъсирига тушиб қолганини таъкидлаганди.

“Улар (“Яндекс”) ишни энди бошлашган вақтда ғарб билан муроса қилишган: уларнинг таркибида нечта америкалик ёки европалик бўлиши керак ва улар бунга рози бўлишга мажбур эдилар”.

Шундан кейин пайшанба куни россия ахборот технология компанияси акциялари нархи АҚШдаги очиқ савдода 5 % га пасайди.

Путиннинг Санкт-Петербург медиафорумидаги баёноти мазкур тадбир давомида ўзини блоггер деб таништирган шахснинг “Яндекс” ҳақидаги берган саволига жавоб сифатида янгради.

Ушбу шахс Путиннинг эътиборини қидирув тизими ва айни пайтда ОАВ бўлган “Яндекс”га қаратган.

Унинг таъкидлашича “Яндекс” ОАВ сифатида лицензияга эга эмас ва шу туфайли ҳам унинг тарқатган маълумотини ўнлаб миллион одам кўришига қарамасдан ҳеч қандай жавобгарликни зиммасига олмайди.

Яндекс”ни ёпишга даъват қилмаётганини таъкидлар экан, “Ҳукумат қачон бизни рақамли агрессиядан қутқаради? Мени шу савол қизиқтиради. У ерда ҳаммаси сиз ўйлаганингиздек эмас. Уларнинг нима қила олиш ёки қила олмаслигини улардан (“Яндекс” раҳбарияти) сўраш керак”, деб жавоб беради Путин.

Путин саволга жавоб бераркан “рақамли агрессия” сифатида нимани назарда тутганини очиқламаган ва россия қидирув тизимининг бунга нима даҳли борлиги ҳақида ҳам изоҳ бермаган.

UZBEK.FM