Тушда асалари қутисини кўриш – бу яқин келажакда сизнинг кўплаб қийин ҳал этиладиган муаммоларга дуч келишингиз аломатидир. Асалари уяларини ўз қўлингиз билан ясаётганлигингиз тушда кўринса – ўнгда йўлингизда пайдо бўлган тўсиқларни осонлик билан бартараф эта оласиз. Тушингизда кимнингдир уя ясаётганлигини кўрсангиз, бу келажакда сизнинг ҳаётингизда катта таъсир кўрсатадиган жуда кучли одам билан учрашишингизни билдиради. Тушингизда асалари уясига қўлингизни тиқаётганлигингизни кўрсангиз – кўнгил совушидан далолат. Тушда асалариси умуман йўқ уйни кўриш – жиддий йўқотишга ишора. Эҳтимол сиз жуда қимматли нарсангиздан айрилиб, бундан қаттиқ қайғурасиз.
Балиқ
Балиқ – иккиюзламачилик, қийинчиликлар, беқарорлик рамзидир. Балиқ тутаётганлик тушга кирса – қийин аҳволдан чиқишга уринишни билдиради. Балиқларнинг тўпланиб қолганлигини тушда кўриш – тақдир ихтиёрига ўзингизни кўпам топшираверменг, йўқса, ўзингизнинг имкониятингизни бой берасиз. Тушингизда учта балиқни кўрсангиз – омадим келди деяверинг. Агар тушда балиқ еяётган бўлсангиз, кутилмаган, аммо яхши хабар оласиз. Агар сасиган балиқ тушингизга кирса – кутилмаган овозалар туфайли сизнинг эътиборли киши билан муносабатларингиз бузилади.
Балчиқ
Балчиқ – бойлик, қизғин фаолият, воқеаларга тўлалик, ғийбатлар аломатидир.
Тушда ўтиб бўлмас балчиқни кўриш – бу кишиларнинг боши ва жисми омадсизликларни келтириб чиқарадиган, балки йўлбошловчиларнинг ўлими ёки ишдан бўшатилишига сабаб бўлиб қоладиган табиий офатлар, қуюн довулни билдиради. Балчиқда ётган тилла тангани тушда кўриш – ўнгда кўпдан-кўп авлодлар томонидан топилгач моддий бойликни сарфловчи ва ўз бошқарувида чексиз шуҳратпарастликни намойиш этувчи номуносиб кишининг сажда қилиши ва ҳурматидан далолат беради.
Ликопчадан балчиқ ағдараётганликни тушда кўриш – бойлик ва умуман гуллаб-яшнаш, беташвишлик ва таъминланганлик даври бошланганлигидан далолатдир.
Қўлдаги лойни ювишга уриниш – бу катта пул, бойлик, ишдаги омаддан далолатдир.
Агар тушингизда лойни босиб олганингизни кўрсангиз – ўнгда сизнинг заифлигингиз ҳар хил овозалар ва уйдирмаларга сабаб бўлади.
Балчиққа қулаб тушиш – сизнинг ўйламай қилган ҳаракатингиз яқинларингиз билан жанжаллашув сабаби бўлади.
Либосни балчиқ билан булғаниши – туҳмат ва иғводан далолатдир.
Пойабзалингиз лой бўлганлигини тушда кўрсангиз душманлик ва орага совуқлик тушишини билдиради.
Балчиққа булғанган кийимни ювиш – сизнинг обрў-эътиборингиз хавф-хатар остидалигини билдиради.
Бойқуш
Тушда бойқушни кўрадиган бўлсангиз, бу келажакда сизни жодугарлик илмини мукаммал эгаллаган киши билан учрашиш кутаётганлигини билдиради. Тушда бойқушни ўлдириш – бу, ўнгда сизнинг ёвуз киши таъсиридан қутилишга эришишингизни билдиради. Агар тушингизда бойқушнинг овозини эшитсангиз – бу ёмон аломат. Бундай туш келажакда сизга жуда кўп қайғу келтирадиган даҳшатли хабар олишингизни аён этади.
Бўри
Бўри – шафқатсизлик, довюраклик, ҳаётга эмас, ўлимга очиқдан-очиқ курашиш, эрксеварлик ва эркинликни тимсоли. Агар бўрини тулки билан уришаётгани тушда кўринса – бу узоқ давом этадиган очиқ қарама-қаршилик аломатидир.
Қора юнгли бўрини тушда кўриш – бу ўзгарувчан одамнинг кирдикори туфайли кўпчилик тинч ҳаётининг бузилишига далолатдир.
Қўй терисидаги бўрини кўриш – ўнгда хиёнаткор шерик тайёрлаган хуфиёна қабиҳлик белгисидир.
Одам қўлидан овқат олаётган бўри – ўнгда минглаб кишиларни узоқ вақт қўрқувда ушлаб тургансавдойининг қўлга тушиб ҳукм қилиниши ва зарарсизлантирилишини билдиради.
Гўдак
Гўдак – умид, келажак тимсоли. Агар тушда ерда чопиб юрган гўдак кўринса, бу янгиланишни билдиради, янги инсоният аломатидир. Йиғлаётган гўдакни туш кўриш – ўнгда ўз келажагингизни хатарга дуч келишини билдиради. Тушингизда ўз фарзандингизни излаётган бўлсангиз демак, йўқолган умидни топишга ҳаракат қиласиз. Гўдакни гул юлаётганини туш кўриш – маънавий юксалишнинг аломатидир. Агар тушингизда гўдакнинг қўлидан ушлаб турган бўлсангиз, бу қийин аҳволдан чиқиб олишга ҳаракат қилишингиздан далолат беради.
Ёнғин
Ёнғин – ишқибозлик, шаҳвоний истак, тўсатдан ғоя келиши, ўзгариш истаги тимсолидир. Гулхан ёқишда қатнашишни туш кўриш – ҳал қилувчи ўзгаришлар аломати бўлиб, адолатсиз тарзда иғво қилинишидан далолат беради, бундай туш муаммолар ва тартибсизликларни билдиради. Чақмоқ натижасида пайдо бўлган ёнғинни тушда кўриш – демак, ўз ҳаётингизда энг асосий кишининг ғайриоддий ҳолатда учратишингиз белгисидир.
Жароҳат
Тушингизда ўз танангизда жароҳат борлигини кўрсангиз – яқинларингиздан бири сизнинг маънавий азоб чекишингизга сабабчи бўлиб қолади. Агар сиз яқинларингиздан биринчи ярадор қилиб қўйганлигингиз тушда кўринса – бу огоҳлантириш эҳтимол, сизнинг душманларингиздан бири ножўя кирдикор билан иғво қилади.
Тушда жароҳатни даволаш – ўнгда яхши хабар эшитишдан аён этади. Агар тушингизда сизни кимдир пичоқ ёки ханжар билан ярадор қилса – ўнгда сохта дўстларингиздан эҳтиёт бўлинг.
Жинни, тентак
Тушда ақлсиз одамни кўриш – бундай туш бошқаларга хавф соладиган хатарни уларга нисбатан анча олдин хабардор бўлишингиздан далолат беради, бинобарин, бошқа кишиларнинг тақдири сизнинг ҳаракатингизга боғлиқ бўлади.
Жиннини даволаш – ўнгда бахтсизлик қурбонларидан бири бўлишдан далолат.
Агар тушингизда оломон тентакни мазах қилиб турганини кўрсангиз, бу сизнинг эҳтиёткорлигингиз ва маълумотларингиз эътиборга олинмаслиги, натижада, фалокатнинг олди олин6май, кўп қурбонлар бўлишини билдиради.
Игна
Игна – кўнгилни оғриши, ҳақорат, яширин ўч олиш, маккорлик, авроқчилик, меҳнатсеварлик белгисидир. Агар тушга янги қон излари бўлган игна кирса – бу туш қариндошларнинг ёмон ният қилаётганликларидан огоҳ этади. Сочилиб ётган кўп миқдордаги игналарни тушда кўриш – маккорлик, ғийбат ва иғво ҳаммани ёппасига қамраб олишидан ҳамда бу баъзи ҳушомадгўй бўлмаган шахсларни ҳалокатга олиб келишидан далолат беради.
Игна
Игна – кўнгилни оғриши, ҳақорат, яширин ўч олиш, маккорлик, авроқчилик, меҳнатсеварлик белгисидир. Агар тушга янги қон излари бўлган игна кирса – бу туш қариндошларнинг ёмон ният қилаётганликларидан огоҳ этади. Сочилиб ётган кўп миқдордаги игналарни тушда кўриш – маккорлик, ғийбат ва иғво ҳаммани ёппасига қамраб олишидан ҳамда бу баъзи ҳушомадгўй бўлмаган шахсларни ҳалокатга олиб келишидан далолат беради.
Ит
Ит - садоқат тимсоли, рамзидир. Умуман оппоқ катта кучук тушга кирса – бу қишда, шимолий давлатлар саноатида ва турмуш даражасижа аҳволнинг ёмонлашиши аломатидир.
Йўл
Тушда бўш кўча бўйлаб бораётганлик – ҳақиқий ҳаётда сиз ниманидир жон-жаҳдингиз билан яшираётганлигингиз белгиси. Бу беҳуда. Фақат қандайдир одамнинг ишингизга аралашувига сизга ёрдам беради.
Тушда йўл қуриш – келгусида сиз буюк кашфиёт қилиб кўп кишиларнинг ҳурматини қозонишингизни билдиради.
Бирваракай учта параллел йўлни тушда кўрсангиз, бу сизнинг айбингиз билан автомобил тўқнашуви содир бўлишининг аломатидир.
Тушда эгри бугри йўлни кўриш – бу сизнинг келгуси ҳаётингиз барқарор бўлмаслигидир. Эҳтимол бундай туш сиз яшаётган давлат ҳокимиятининг тепасида тажрибасиз киши турганлигини билдиради.
Тушда тор кўчани кўриш – яхши аломат. Сиз тўғри йўлдан, гарчи у бошқа кишиларнинг йўлидан фарқ қилса ҳам кетаяпсиз. Бундай туш сизнинг порлоқ, ўзига хос шахс, ўз ҳаётингизда катта муваффақиятларга эришишингиздан шоҳидлик беради.
Каламуш
Каламуш жиддийлик, инжиқлик, серҳосиллик, йўқотиш ва омадлар белгисидир. Каламуш думли одамни тушда кўриш бу касаллик ҳақида огоҳ этиб, соғлиғи ҳақида ўйлаб, ҳаёти хавфсизлиги тўғрисида ғам ейиш зарурлигини билдиради
Калит
Калит муаммоларни ҳал этиш борасидаги изланишлар, муаммоларни бирмунча осон йўллар билан ҳал этиш истагини билдиради.
Агар тушда калит топиб олсангиз – сизни буюк ишлар кутаётганлигини белгисидир. Тўғрироғи, сиз хизмат пиллапояларидан шундай кўтариласизки, оқибатла ўз оилангизни муҳтожлик кўрмай яшашини таъмин этасиз. Агар калитлар боғлами тушингизга кирсА, бу унчалик узоқ бўлмаган вақт ичида кўплаб мамлакатларга ажойиб саёҳатларга чиқишингиз имкони пайдо бўлади. Тушда иккита калит кўриш – воқеаларнинг кутилмаганда ўзгаришидан далолат.
Кумуш яхшилик, ой тимсолидир. Кумушдан ясалган кўприкни тушда намоён бўлиши – пулга сотиб олинган шубҳали омаддан далолат беради.
Марварид
агар тушингизда марварид тақинчоқ кўрсангиз – бундай туш Ер юзида ғайритабиий маназара пайдо бўлишини, бутунлай манзаранинг гувоҳи бўлганларнинг одатий турмуши бутунлай ўзгариб кетишини аён этади. Агар тушингизда ноёб марварид харид қилсангиз – бу сизда улкан имкониятлар мавжудлигини, кутилмаган пайтда, тўсатдан бўладиган ўзгаришлар таъсирида намоён бўлишини билдиради.
Машъала
Машъала – инқилоб, янгиланиш, ўзгаришлар, маориф тимсолидир. Тушда ўзингизни қўлингизга машъала тутган ҳолда кўриш – яқин вафт ичида сиз диққат марказида бўлишингизни ва ниҳоят ўзингизнинг диққатга сазовор режаларингизни амалга ошириш имкониятига эга бўласиз. Агар тушингизда ўчган машъалани кўрсангиз, демак, ўнгда ўз режаларингизни амалга ошириб бўлмаслигини хафсалангиз пир бўлади. Тушингизда ўз йўлингизни машъала билан ёритиб бораётган бўлсангиз – демак, сизнинг донолигингиз ва ҳаётий тажрибангиз туфайли энг қийин вазиятлардан чиқиб кета олишингизни билдиради.
Минора
Билингки, минора қудрат, ҳокимият тимсолидир. Жуда юксакликка чўзилган, учи чўққили минорани тушда кўриш – туш кўрувчининг ҳокимият эгаси бўлишидан, бироқ ундан эҳтиётсизлик билан фойдаланишидан дарак беради, шунингдек, у ўзининг кучига ортиқча баҳо бериб, рақибининг кучига етарли баҳо бермаслигини, таъсирининг камайиб, кўпчиликнинг қўллаб-қувватлашидан маҳрум бўлишини билдиради.
Яқинлашишнинг иложи йўқ минорани тушда кўриш – жуда муҳим шахс, сиёсий арбоб ёки молия магнати билан учрашувдан далолат беради.
Асоси мустаҳкам минора тушга кирса, бу қудрат ва катта эътибор белгисидир.
Емирилб бораётган минорани кўриш сиёсий ва бошқа йўналишларда катта ўзгаришлар аломатидир.
Қуролли кишилар томонидан ишғол қилинган минорани тушда кўриш, катта эътиборга эга турли лагерлар ўртасидаги тўқнашувлар, маълум асоратлар қолдирадиган рақиблар ўртасида кураш аломатидир.
Шинакли минора тушга кирса, бу қўрқитишга, сўзсиз бўйсунишга асосланган ҳокимият тимсоли, тажовузкорлик белгисидир.
Мақбара
Мақбара – бу даврлар боғланиши тимсоли. Тушда бир вақтлар ўтган улуғ ва машҳур кишиларнинг мақбарасида ўзингизни кўриш – бу сизни машҳур қиладиган ёки ҳаётингизга жанжаллар оқимини олиб кирадиган меросга эга бўлишингиздан дарак беради.
Яқиндагина турган бино ўрнида мақбара пайдо бўлганлигини туш кўриш яшаш жойини ўзгартиришдан бошқа мамлакатга кўчиб ўтишдан, аждодлари ўтган ватанга қайтишдан далолат беради.
Мақбарани сув босган ҳолда кўриш – насл ва насабларга боғлиқ сирларнинг очилишини ва барча тафсилотларни аниқлашга қаратилган узоқ сафар олдинда турганлигидан далолат беради.
Одам
Қояда ўтирган одамни тушда кўриш, узоқ келажакда туш кўрувчи ҳаётида мисли кўрилмаган воқеалар рўй бериб, унинг ҳаётини тубдан ўзгартириб юборишини билдиради. Агар тушингизда қашшоқ одам кўринса, келажакда сиз, катта кўнгилсизликка дучор бўлиб, натижада, бутун мол-мулкингиздан, бошпанангиздан ва содиқ дўстингиздан ажралишингиздан далолатдир. Агар сиз тушингизда бир талай қашшоқни кўрсангиз, бу кўпгина халқлар қашшоқликда ҳаёт кечиришини билдиради. Бадавлат кишини тушда кўриш – яхши аломатдир. Сизни яқин кишиларингиз даврасида кам-кўстсиз ҳаёт кутади. Агар тушда кўплаб ўзига тўқ одамлар намоён бўлса – бутун дунё халқларининг бахтиёр ҳаёт кечиришига ишора.
Ой
Ой – яширин ҳукмронлик қилиш, осойишталик, тасодифлик белгиси. Тушда ойга интилиш, сизнинг қандайдир янгиликка, бошдан кечирмаган воқеаларга интилишингизни билдиради. Тушингизда сиз кўриб турган Ой ёрқин қизил ёки тўқ қизил рангда бўлса, эҳтиёт бўлишга огоҳлантиришдир. Агар тушингизда Ой ёруғини кўраётган бўлсангиз – ўнгда бартараф этишингиз анча қийин кечадиган, кутилмаган қаршиликларга рўпарў келасиз.
Очлик
Агар очликдан кўп одам ўлаётганлигини тушда кўрсангиз – бу бемаъни аломат. Эҳтимол келгусида кишилар учун қайтарилмайдиган асоратларга олиб келувчи ҳодисалар рўй бериши мумкин.
Агар тушингизда қаттиқ очликни ҳис қилсангиз – ўнгда сизнинг обрўйингиз қарама-қарши жинс ва ишининг сизга кераксиз эътибори туфайли хавф-хатар остида қолади.
Тушингизда яқин кишиларингиздан бири очликдан ўлаётган бўлса, ўнгда воқеаларнинг кутилмаганда ўзгариб кетиши аломатидир.
Агар тушингизда сизни кимдир очдан ўлишдан сақлаб қолаётган бўлса – ўнгда сиз ўзингиз кутмаган одамдан кутилмаган ёрдам оласиз
Олма
Тушда катта пишган олмани кўриш – тез фурсатлар ичида буюк кашфиётлар амалга оширилиш белгисидир. Туш кўрувчига эса бу туш келажакда кўплаб кишиларнинг ҳурматини қозонишдан дарак беради.
Парвоз
Парвоз – яхши туйғу, озодлик, мустақиллик аломати. Тушингизда учаётганингизни кўрсангиз, ўнгда озодликка ва мустақил бўлишга интиласиз. Тез орада сиз шундай имкониятларга эга бўласиз. Агар тушингизда парвоз қила туриб қулаб тушсангиз, ўзингизда қийинчиликларни енгишингизга ва муаммоларингизни ҳал этишингизга тўғри келади.
Паррандалар
Парранда – интилувчанлик, олдиндан кўра билиш, беқарорлик тимсоли. Агар тушингизда овози йўқ қуш кўринса – бу келажакда ер юзасида жуда қаттиқ қурғоқчилик рўй бериб, сайёрадаги кўплаб мамлакатлар жабр кўришидан далолат беради. агар тушингизда камёб чиройли қушни кўрсангиз – бу, сиз фақат ўтмишингиз билан қизиқишингиздан дарак беради.
Сана
Сана ифода этилган тақвимни тушда кўриш – ушбу кўрсатилган санада туш кўрувчи билан даҳшатли ҳодиса рўй беради. Тушда қандайдир ҳисобларни амалга ошириш – сизга қарши ўйланган ёвузликни бартараф этишнинг уддасидан чиқишингиздан гувоҳлик беради.
Сичқон
Тушдаги сичқон галаси – уруш, ўлат, очарчилик белгиси. Ўлик сичқонни тушда кўриш – моддий қийинчиликларни бошдан кечиришни билдиради. Агар тушингизда сизга кўршапалаклар галаси ҳужум қилса, ўнгингизда даҳшатли ёвузликка дуч келасиз.
Сув
Сув – ҳаёт тимсоли. Агар тушда катта шар ичида тоза шаффоф сув кўрсангиз – бу туш қишлоқ хўжалиги ишларига кўп фойда келтирадиган яхши об-ҳаво бўлишидан дарак беради.
Тушда сув ичаётиб идишнинг тагидаги пашшага кўзингиз тушса – бу ўнгда жамиятнинг кайфиятини, эртанги кунга ишончини ўзгартириб юборадиган суд жараёнини, судлашишни ёки туҳматни билдиради.
Сув остида сайёр қилиш ва дельфинлар билан суҳбатлашиш – бундай туш сизнинг илгари миллатга номаълум бўлган янги дунёни очишингиздан далолат беради.
Кучли мавжланаётган сувни тушда кўриш – бу янги кашфиётлар ва мураккаб тажрибаларни амалга ошириш учун янги таълимот ёки фан, қулай давр вужудга келганлигининг аломатидир.
Соатлар
Тушингизда қадимий соатларга қараётганлик – келажакда сизнинг ўтмишдаги хатоларингиздан қаттиқ пушаймон бўлишингизни билдиради. Балки бу тушда сизнинг аждодларингиз қилган хатолари учун хижолат бўлишингиз аломатидир. Девор соатининг тушга кириши – келгусида олдингизда бутун ҳаётингизни тубдан ўзгартириб юборадиган нимадир турганлигини билдиради. Агар тушингизда қўл соатини кўрснагиз, бундай туш ўйлаб қўйганларингизни рўёбга ошириш учун вақтингиз етмаслигини аён этади.
Темир
Темир – уруш, қарама-қаршилик, душманлик ҳокимият белгисидир.
Тишлар
Тишлар ҳаётий қувват, кечинмалар тимсолидир. Тушингизда тишингизни қандай суғураётганликларини кўриш – ўнгда яқинларингиздан бирини йўқотишдан қўрқаётганингиз белгисидир. Тушда чириган ва емирилаётган тишларни кўриш – касалликларни, соғлиқда муаммолар пайдо бўлишини билдиради. Оғриётган тиш тушга кирса – бу сизнинг шахсий муаммолар билан шуғулланишингиз кераклигидан хабар беради.
Тутун
Тушда қуюқ тутун кўриш – катта вулқон отилишидан дарак беради. агар тушингизда тутун кўзингизни қоплаб олган ва нафас олишингиз қийинлашиб бораётганини кўрсангиз, бу ёмон аломат. Эҳтимол келгусида катта ёнғин содир бўлади.
Агар сиз тушингизда аланга билан чиқаётган тутунни кўрсангиз, унча узоқ бўлмаган вақт ичида Ерга қаттиқ қурғоқчилик хавф солади, окибатда кўплаб ёнғинлар содир бўлади.
Кетаётган поезддан чиқаётган тутунни тушда кўриш – ўнгда кўплаб кишилар жабр кўрадиган жуда катта темирйўл ҳалокатини билдиради.
Тун
Тун яхшилик ва ёмонлик тимсолидир.
Тунда кимнингдир овозини эшитаётганингизни туш кўриш, келгусида Ерга буюк инсон келиши аломатидир. Тунда кимнингдир қиёфасини кўраётганликни тушга кириши, унчалик кўп ўтмасдан сиз ўзингизнинрг қилмишларингиз учун пушаймон бўлишингизни билдиради. Ёрқин юлдузли тунни кўриш яхши аломат. Бундай туш келажакда бахтли ҳаётдан хабар беради.
Тухум
Тухум – янги ҳаёт вужудга келиши, тикланиш аломатидир. Ёш ҳомиладор аёллар тухумдан қандайдир мавжудот чиқиб келаётганлигини кўришса фарзандини муваффақиятли туғиб олиш аломатидир. Агар тухумни синдирганлигингизни кўрсангиз бу туш сизни жиноятга қўл уришингизни билдиради.
Ўлим
Тушда ўзингизнинг ўлимингизни кўрсангиз, сизнинг янада узоқ яшашингиздан гувоҳлик беради. агар сизга яқин кишингизни ўлаётгани тушда кўринса, бу ўша кишини узоқ ва бахтли ҳаёт кечиришидан шоҳидлик беради. Кўплаб кишиларнинг ўлимини тушда кўриш инсониятнинг ёзоқ яшашидан далолатдир. Ҳозирги пайтда гапирилаётган охирги замон яна бир неча минг йиллар келмайди.
Фаришта
Тушда фариштани кўриш – тинчлик ва хотиржамлик аломатидир. Вақти келиб бутун инсоният бахтли яшайди. Агар тушингизда ўзингизни фаришта, қиёфасида кўрсангиз, билингки, бундай туш сизнинг яқинларингиздан бири ёрдамингизга жуда муҳтож ва сиз унга ёрдам бера оласиз.
Тушингизда фаришта сизни осмонга чорлаётган бўлса, бундай туш сиз ёки яқинларингиздан бирига оғир касаллик хавф солаётганлигидан огоҳ этади.
Агар тушда фаришталар яшаётган шаҳар кўринса, бундай туш сизнинг ҳаётингиз келгусида қандайдир сабаблар билан Тайвань деб аталувчи (“Тайвань” – “фаришталар шаҳри” деган маънони билдиради) чиройли давлат билан боғланишидан далолат беради.
Фил
Фил донишмандлик, қудрат, баъзи ҳолларда қасоскорлик ва шафқатсизлик тимсолидир. Агар тушингизда сиз оқ филни кўрган бўлсангиз, демак, ўнгда сиз фойдасиз муваффақиятга эришасиз.
Чаён
Чаён қасоскорликни, буюкликни, маккорликни билдиради. Агар тушингизда сизни чаён чақиб олганлигини кўрсангиз, ўнгда сиз ғийбат ва сохта овозалар қурбони бўласиз. Тушга улкан қора чаён кирса – бу катта ўзгаришлардан далолат. Сизнинг чаён ўлдираётганингиз тушда кўринса, ўнгингизда душманингиз маккорона режаларини барбод қилишга эришасиз. Агар тушингизда ўзингизнинг чаён буржида эканлигингизни кўрсангиз бу воқеаларни сизнинг фойдангизга кутилмаганда ўзгаришларидан далолат беради.
Чақмоқ
Тушда чақмоқнинг ёрқин чақинини кўриш – ўнгда сиз узоқдан кутилмаган хабарни оласиз. Агар тушингизда сизга чақмоқ текса, ўнгда вазмин бўлишга ҳаракат қилинг, чунки сизни жанжалга тортишга ҳаракат қилишлари мумкин.
Шам
Шам – ишонч, шинамлик, хаёлпарастлик, ҳиссиёт, таркидунёчилик аломатидир. Агар тунда дераза олдида шам ёруғи кўринаётганлиги тушингизга кирса – бу, ёшингиз ўтганда навқирон пайтингиздагига нисбатан севимлироқ, интизорлик билан кутилган одам бўлишингиз аломатини билдиради. Шам билан ёритилган кўчадан бораётганликни тушда кўриш, бу сизнинг севиб қолишингиз ҳали олдинда эканлигининг белгисидир.
Шер
Шер – басавлат шахс, ҳокимият, тахт тимсоли.
Юлдуз
Юлдузлар олис истак, олий билимнинг белгисидир. Тушда учаётган юлдузни кузатаётган бўлсангиз, бу бахтли ҳаётдан, барча эзгу истакларингизнинг, ҳатто ўзингиз ишонмаган хоҳишларингизнинг рўёбга ошишидан башорат қилади. Тушда сувдаги юлдузлар шуъласини кузатиш – буюк кашфиётни аён этади. Одамга ўхшаш тирик мавжудотлар яшайдиган номаълум сайёра топилади. Туш кўрувчига бундай туш шуғулланаётган соҳада буюк кашфиёт юзага келишини англатади.
Осмонда яккаю ягона, аммо жуда ёрқин юлдуз тушингизга кирса – бу ўн йилдан сўнг сизнинг тақдирингиз бошқаларнинг ичидан ажралиб чиқишини ва янги кашф қилинган сайёра каби аҳамият касб этишини аён этади.
Ўлим
Тушда ўзингизнинг ўлимингизни кўрсангиз, сизнинг янада узоқ яшашингиздан гувоҳлик беради. агар сизга яқин кишингизни ўлаётгани тушда кўринса, бу ўша кишини узоқ ва бахтли ҳаёт кечиришидан шоҳидлик беради. Кўплаб кишиларнинг ўлимини тушда кўриш инсониятнинг ёзоқ яшашидан далолатдир. Ҳозирги пайтда гапирилаётган охирги замон яна бир неча минг йиллар келмайди.
Қамоқхона
Қамоқхона эрксизлик, одамовилик ва ёлғизлик тимсолидир. Тушда ўзингизни қамоқхонада тутқин ҳолатда кўрсангиз, демак, ўнгда сиз ўйлаганларингизни амалга оширишга халақит бераётган бир қанча тадбирлар таъсиридан чиқа олмаяпсиз. Агар сиз тушингизда қамоқхона ойнасидан қараётган бўлсангиз, яқин келажакда сизнинг ёнингизда шундай одам пайдо бўладики, сизнинг устингиздан чексиз ҳукмронлик қилиш эҳтимоли мавжуд. Сизнинг қамоқхонадан чиқишга уринаётганлигингиз тушда кўринса, бундай туш шошилинч қарорингиз оқибатлари ҳақида огоҳ этади. Агар сиз тушингизда қамоқхона панжараларини бузаётган бўлсангиз, бу ўзгалар таъсиридан қутулиш учун урунишингиздан далолат беради.
Қирғий
Қирғий – шафқатсизлик, тезкорлик, хавф-хатар тимсолидир. Тушда парвоз қилаётган қирғийни кўриш – ўнгда жамоатчилик ҳурматини, эътирофини қозонишни билдиради. Агар қирғийнинг ҳужум қилганини туш кўрсангиз, демак, сизга душманларингиз пастқамликдан зарба беришга интилаётганлигидан далолатдир. Ярадор қирғийни тушда кўриш, демак, дўстларингиз сизга душманлар томонидан ўйланган маккорликларини амалга оширишларига халақит берадилар. Қирғийни қандай ўлдираётганлигингизни туш кўрсангиз – ўнгда кучли ва маккор душмнадан қутуласиз.
Қудуқ
Қудуқ – чексизлик, сирлар, соғломлаштириш, келажакни башорат қилиш аломатидир. Тушда иссиқ чўлда қудуқни кўриш – самимий қалб эгаси бўлган кишини учратиш аломатидир. Агар тушингизда қудуқ сувига ювинаётган бўлсангиз, демак, узоқ давом этадиган ва дармонни қуритадиган касалликдан шифо топиб кетасиз. Қудуққа тушиб кетаётганингизни тушингизда кўрсангиз – яқин вақтлар ичида сиз кутилмаган ҳабардан қаттиқ ҳаяжонга тушасиз ёки қўрқиб кетасиз.
Қудуқдан юлдузни кўриш – бундай туш сизнинг шубҳасиз, омад эгаси, нима ўйласангиз ўша рўёбга ошишидан дарак беради.
Қон
Агар тушингизда ўзингизда қон борлигини кўрсангиз, бу яқин вақт ичида қариндошларингиздан хабар келишидан далолат. Тушингизда сиз қон йўқотаётган бўлсангиз, бу вақтинча ёлғизликда қолишингизни ва хафагарчиликни билдиради. Ерга қон тўкилаётганлигини туш кўриш, оғир синовлар, зиддиятлар, кимдир қурбон бўлишидан далолат беради.
Қулф
Қулф – қатъиятсизлик, одамовилик, тўсиқлар, қаршилик аломати. Бузуқ қулфни туш кўриш – дўстларингиздан бирининг хиёнат қилишидан далолат. Тушда тешиксиз қулфни кўриш – сизнинг ўзингизга ҳаддан ташқари ишонишингизни, шунинг учун яқин вақт ичида муаммоларни тезликда ҳал этишга мажбур бўлмаслигингизни билдиради.
Ҳасса
Сеҳрли ҳасса ҳар кишининг қатъият билан ҳаракат қилиши лозимлигини ва унга ҳақиқатнинг очилишини билдиради.
Ҳассани қўлда ушлаб туриш – фалсафий фикрлашни ва дунёқарашни билдиради.
Агар тушингизда сизни кимдир ҳасса билан ураётган бўлса – демак, ҳаётингизда бир киши пайдо бўлиб, сизнинг бутун ҳаётингизни ўзгартириб юборади. Синган ҳасса ҳаётдан буткул кўнгил совишини билдиради
Агар тушингизда ҳасса ва ғўла тахлами кирса, бу чексиз ҳокимиятга эга бўлишингизни билдиради
кинда биродаримизни кумиб келдик ман шу маросимда бошчи булдим 15кун утгандан кейин тушимда шу биродаримни кафанида ок дамасдайми фортддайми машинада каергадир олиб кетяпман узун йул узок йул юрдик ва тухтатганда уни кафандан юзи очилиб кетди кузи ва огзига чивин талаяпти... яна у тулганди чапга ва унга тулганиб ётибди нима килай илтимос маслахат беринг
Бош саҳифа 
